KNI A/S sulisoqarnermi ineriartortitsinermut siunnersortimik pissarsiorpoq ulloq 1. oktober 2025 aallarnerfigalugu imaluunniit isumaqatigiissuteqarnikkut sulilersussamik.
Ineriartortitsinermut siunnersortip piujuartitsinissamut ineriartortitsinermullu aqutsisoq qaninnertut pisortarissavaa, suleqatigiillu piginnaasallit pingasuullusi immikkoortortaqarfimmi suleqatigiissallusi.
HRD-mi immikkoortortaq pilersaarusiorlugit sulianik ataavartumik suliaqartuuvoq KNI-mut tamarmut atuuttussianik. Sullissinissamik suliassat inuiaqatigiinni pingaaruteqarluinnartut aqqutigalugit suleqataanitsinni kissaatigaarput ilinniartoqarfittut aammalu inunnut pikkorissunut qaffassarnissamik noqasuffeqar-tunut, nunarsuarmioqataanermik isiginnittunut niueqatigiinnermilu eqqummaarissumik pilersitseqataanissarput.
HRD-mi immikkoortortamut pingaaruteqarluinnarpoq suleqatigiit paasisimassagaat suliffeqarfissuup niuernikkut anguniagai, pilersaarutai unammilligassaalu piffissami qaninnerusumi ungasinnerusumilu suunersut, suliffeqarfissuullu suut tunniussinnaasarissagai – ima paasillugu aaqqissuussaanermi piginnaasat (piorsarsimassuseq, piginnaasat, pitsaassuserlu); ass. Pisisartunut sammineruneq, ingerlaavarnerulersitsineq, aningaasartuutinut eqqummaarinnerulerneq il.il.
HRD-p qulakkiissavaa ataatsimoorussamik paasinninnissaq atuinissarlu, HRD-p suliniutai tunniussaalu aallaavigalugit, suliffeqarfissuup pisariaqartitaanik inernernillu takutitsisinnaalersillugu.
Ineriartortitsinermut siunnersortitut pingaarnertut suliassatit ilaatigut makkuussaaput:
- KNI-p sulisoqarnermut immikkoortortaqarfiani periusissioqataaneq
- HRD-mi pilersaarusianut assigiinngitsunut peqataaneq
- Ineriartortitsinermut suliniutinik nutaanik pilersaarusiorneq, aallarnisaaneq ataqatigiissaarinerlu
- Ilinniartunut tunngasunik suliaqarneq
- Nittartakkakkut sulisunut ilitsersuusiortarfitsinni KNI Academy-mi suliaqarneq ilinniusiornerlu
Ineriartortitsinermut siunnersortitut atorfinittussap makkua piginnaaneqarfigissagai piumasaqaatigaarput:
- Ilinniagartuutut assingusumilluuniit ilinniarsimanissaq, ineriartortitsinermilluunniit misilittagaqarnissaq
- Iliuusissanik suliaqarsinnaanermik misilittagaqarneq
- Tamatigoortoq, akisussaassusilik, ammasoq, inuunermut pitsaasumik isiginnittoq suleqateqarsinnaasorlu
- Tamakkiisumik isiginnissinnaaneq immikkoortortaqarfinnillu suleqateqarsinnaaneq
- Ataqatigiillualersitsisinnaaneq attaveqarfigisartagaqalersitsinerlu
- Namminersorluni sulisinnaaneq, isumassarsiorsinnaasorlu
- Sassarnissamut nakimaatsoq
Atorfinittussamut neqeroorutigaavut:
- Piginnaasat naapertorlugit isumaqatigiissuteqarnikkut akissaateqartitaaneq
- Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il. il. inatsisit malillugit akilerneqartassapput.
Atorfik pillugu paasisaqarnerorusukkuit piujuartitsinissamut ineriartortitsinermullu aqutsisoq Paneeraq Olsen attavigineqarsinnaavoq oqarasuaatikkut: 86 24 72, imaluunniit mail-ikkut: ypo@kni.gl
Qinnuteqaat
Qinnuteqaat sukumiiisumik tunngavilersugaq pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 28. august 2025.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.
