KNI A/S Sisimiuniittumi Kiffartuussivimi IT-qarnermi siunnersortissarsiorpoq ulloq 1. oktober 2025 imaluunniit isumaqatigiissuteqarnikkut atorfinittussamik.
KNI soqutiginarluinnartumik allanngoriartorfiuleruttorpoq, tassami datacenter-erput taarsersuleruttorparput. Suliassarpassuarnik nutaanik soqutiginartunik KNI-mi suleqatissat kiisalu suliffeqarfiup avataani siunnersortit peqatigalugit suliaqartartussamik kiisalu IT-qarnermi ingerlatsinermik aserfallatsaaliinermillu ingerlatsisartussamik KNI IT-qarnermi siunnersortissarsiorpoq.
IT-qarnermi siunnersortitut Sisimiuni kiffartuussivimmi IT-qarfimmi sulisut allat peqatigalugit IT-qarnermi patajaatsumik qularnaatsumillu aaqqissuussinissaq qulakkeerinneqataaffigissavat. Atorfinikkuit KNI-p nunatsinni tamarmi sumiiffinni 68-ini ulluinnarni inuuniarnermi nioqqutissanik ikummatissamillu pilersuinermi pingaarnertut suliaqarfiini IT-mik atugaqarluta ingerlatsinitsinnut serverinik, qarasaasianik sulinermi atukkanik akiliisarfinnilu terminalinut suliaqaqataalissaatit.
Atorfinittussap IT-qarnermut pisortaq qaninnertut pisortarissavaa.
IT-mi sullissisussamik pikkorissumik misilittagalimmillu siunnersortissarsiorpugut ima ittumik:
- IT-qarnerup iluani naleqquttumik ilinniagalik misilittagalilluunniit kiisalu IT-qarnermi attaveqaatinik aserfallatsaaliisinnaasoq
- Ingerlatsinermik, nakkutilliissutinik, IT-qarnermi atortulersuutinik aserfallatsaaliinermik ineriartor-titsinermillu misilittagalik (LAN/WAN-imik netværkit, serverit, SAN, paasissutissanut tunngasunik attaveqaatilerineq, MPLS il.il.)
- Makkuninnga misilittagalik: Windows Server-it, SQL, VMware, Azure Cloud services aamma Micro-soft 365
- Ajoqutaasunik ujarlerluarsinnaasumik hardwarenullu tunngasuni ikiuussinnaasumik (2. level)
- Suleqateqallaqqissumik aammali nammineerluinnarluni sulisinnaasumik
IT-qarnermi siunnersortissap IT-qarnerup iluani isumannaatsuutitsinissamik kiisalu SOC-imik atuinitsinnik isumaliutiginnillaqqissuunissaa pingaartipparput.
Tamakku saniatigut kissaatigaarput:
- Akisussaassutsimik ilisimaarinnittutit suleqatinullu ikiuunnissamik pingaartitsisutit
- Peqqissaartuusutit suliassallu tamaasa pitsaanerpaamik suliarineqarnissaannik isumaginnittartutit
- Suleqatigiit ikittunnguit tunniusimallutik sulisut suleqatiginissaannut soqutiginnittutit
- Minnerunngitsumik ulapaarfinni tamanik takunnissinnaasutit nuannaartuullutillu
Qinnuteqartut kalaallisut, qallunaatut tuluttullu oqalussinnaasut atorfinitsikkusunnerussavagut.
Atorfinittussamut neqeroorutigaavut:
- Misilittakkatit piginnaasatillu naapertorlugit orniginartunik akissaateqartitsinissaq
- Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il.il. akilerneqartassapput inatsisit malillugit
- Nuunnermi angalanermi kiisalu pequtit angallannerannut akiliunneqarneq
- Atorfik pissanganartoq suliamut tunngatillugu inuttullu piginnaasanik ineriartortitsinissamut periarfissalik
Atorfik pillugu paasisaqarnerorusukkuit IT-qarnermi pisortaq Ivik Damgaard Kaspersen attavigisinnaavat oqarasuaatikkut: +299 86 23 24 e-mail: idk@kni.gl
Qinnuteqaat
Qinnuteqaat sukumiisumik tunngavilersugaq, pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, kingusinnerpaamik ulloq 28. august 2025.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.
